12 сәуір– дүниежүзілік авиация және ғарышкерлер күніне орай оқырмандарға қызмет көрсету бөлімінде «Қазақстаннан ғарышқа самғаған» атты кітап көрмесіне шолу болып өтті. Шараға Орал жоғары гуманитарлық- экономикалық колледжінің «Дене шынықтыру» және «Қазақ тілі» мамандығының 2,3- курс студенттері қатысты. Шолу барысында алғашқы ғарышкерлер Ю.Гагарин, В.Терешкова, қазақ ғарышкерлері Т.Әубәкіров, Т.Мұсабаев, А.Айымбетовтер туралы жан-жақты мәліметтер айтылды.  Кітап көрмесіне Т.Әубәкіровтың, Т.Мұсабаевтың, А.Айымбетовтың өмірі, еңбек жолдары туралы, ғарыш техникасының дамуы, “Байқоңыр” ғарыш айлағы жайлы кітапхана қорындағы ғарыш тақырыбындағы кітаптар және мерзімді басылымдар беттеріне шыққан мақалалар қойылып, шолу жасалды.