2025 жылғы 25 қыркүйек күні колледжіміздің студенттерін Батыс Қазақстан облысы бойынша Экономикалық тергеу департаментінің аға жедел уәкілі мен қалалық жастар ресурстық орталығының теолог маманымен кездесу ұйымдастырылды.

Кездесуге Батыс Қазақстан облысы бойынша Экономикалық тергеу департаментінің аға жедел уәкілі Айдарбек Қадирұлы қатысып, жастарға құқық бұзушылықтың салдары мен оның алдын алу жолдары туралы кеңінен ақпарат берді.

Сонымен қатар, қалалық жастар ресурстық орталығының теолог маманы Наурыз Ибатұлы студенттермен рухани құндылықтар, саналы өмір сүру және жауапкершілік туралы ой бөлісті.

Кездесу соңында «Орал жастары» волонтерлік қозғалысының жетекшілері жастардың қоғамдағы белсенділігі мен еріктілік қызметінің маңызы жайында сөз қозғады.

Іс-шара барысында студенттер өздерін қызықтырған сұрақтарға жауап алып, жаңа идеялар мен бастамаларға шабыттанды.

Нәтижесінде, жастардың құқықтық және рухани сауаттылығы артып, азаматтық жауапкершілік пен белсенді өмірлік ұстаным қалыптастыруға ықпал етті.