Орал қалалық кітапханалар жүйесінің оқырмандарға қызмет көрсету бөлімі колледж студенттерінің қатысуымен «100 кітаппен – білім мен парасат биігіне» тақырыбында әдеби quiz өткізді.

Шараның негізгі мақсаты – «100 кітап» жобасын насихаттау, оқырмандардың кітап оқуға деген қызығушылығын арттыру, ұлттық әдебиетке деген танымын кеңейту. Әдеби quiz барысында қатысушылар бірнеше кезең бойынша білімдерін сынға салып, көркем шығармалар мен авторлар туралы терең ой-пікірлерін ортаға салды. Сайыс сұрақтары оқырмандардың әдеби сауаттылығы мен сыни ойлау қабілетін анықтауға бағытталды. Шара жоғары деңгейде өтіп, оқырмандар белсенділік танытты. Аталған әдеби quiz жастардың рухани дамуына, оқу мәдениетін қалыптастыруға өзіндік үлесін қосты.