2025 жылдың 8 қыркүйегі күні жастарға әскери-патриоттық тәрбие беру мақсатында Қазақстан Республикасы Ұлттық ұланының 5517 әскери бөлімінде колледжіміздің «Дене шынықтыру және спорт» мамандығының 2-курс студенттері үшін экскурсия ұйымдастырылды.

Аталған шараға әскери жетекші Т.Е. Макпоз қатысып, білім алушыларға әскери өмірдің қыр-сыры мен тәртібі жайлы мол мағлұмат берілді. Студенттер сарбаздардың күнделікті қызметімен танысып, патриоттық рухты арттыратын қызықты ақпараттарға қанықты.

Мұндай іс-шаралар жас ұрпақтың отансүйгіштік сезімін қалыптастырып, азаматтық жауапкершілігін арттыруға зор ықпал етеді.